10, అక్టోబర్ 2012, బుధవారం

తాళి


చంద్రమతి తాళి భర్త హరిశ్చంద్రుడికి మాత్రమే కనబడుతుందట..అందుకే చీకటిలో స్మసానంలో  కాటికాపరి తాళి అడిగితే అతనే హరిశ్చంద్రుడని ఇట్టే అంటే అట్టేకనిపెట్టేస్తుంది చంద్రమతి అని పురాణాలు ఘోషించాయని మా తాతయ్య చిన్నప్పుడు ఏ ముహూర్తాన చెప్పారో అప్పటి నుండి తాళి అనేడిది భర్తకు మాత్రమే  కనిపించే వస్తువని ఇతరులు ఎట్టిపరిస్తితుల్లో చూడరాదని నాకు మైండ్లో ఘా..ట్టిగా ఫిక్స్ అయిపోయింది...


అందుకేనేమో చిన్నప్పుడూ అమ్మావాళ్ళతో పాత సినిమాకి వెళ్ళినప్పుడు ఆ సినిమాల్లో గో..ప్ప పతిభక్తి కలిగిన వీరోయిన్లు తాళి బొట్టు పైకే వేసుకుని భర్త పాదాలకు నమస్కరించినా , గుళ్ళుకీ గోపురాలకి తిరిగేసి పద్దాకా కళ్ళకద్దుకుని తెగ కష్ట పడిపోతున్నా  మా గొప్ప చిరాకొచ్చేసి సినిమా మధ్యలోనే ఇంటికెళ్ళిపోదాం అంటూ పేచీ పెట్టేసేదాన్ని..

అదొక్కటేనా మా మేనత్త ఈ తాళి విషయంలో రోజుకో సెంటిమెంట్ చెప్పి తెగ భయపెట్టేసింది ...తాళి బొట్టు నిద్రపోయి లేవగానే మెడ వెనుకగా వీపు వైపుకు చేరితే భర్త రెండో పెళ్ళి చేసుకుంటాడట... తాళి బొట్టు కొత్త చైను మారుస్తున్నప్పుడు ఇలా మెడలో తీసి అలా కంసాలికి ఇవ్వగానే వాళ్ళ ఆయనకు చెయ్యి విరిగిపోయిందట ..అందుకే ఏదో పధ్యం చదవాలట.. ఎవరికన్నా తాళి బొట్టు ఎరువుగా ఇస్తే(ఇవి కూడా అప్పులు,ఎరువులు  ఇచ్చుకుంటారా !!!) గనుక దాన్ని మరగేసి వేసుకోమని వాళ్ళకు చెప్పాలట..లేకపోతే వీళ్ళ ఆయన ఆ అమ్మాయికి దాసోహం అయిపోతాడట..అబ్బో ఇలాంటివి చాలా చెప్పేసి..తాళి అనగానే తుళ్ళిపడేలా భయంపెట్టేసింది మహా తల్లి...

కాని ఈ మంగళ సూత్రం విషయంలో ఒక్కో అమ్మాయికి ఒక్కో నిర్ధిష్టమైన అభిప్రాయాలు ఉంటాయని..అందరూ  నాకులా ఎదుటివాళ్ళు ఏం చెప్తే అదివినేసే రకాలు ఉండరని  మా అక్క పెళ్ళయ్యాకే తెలిసింది ... అక్క పెళ్ళయిన కొత్తలో ఓ ఆరునెలల పాటు  అది స్నానం చేసిన గంటకి మా నాన్నకి బిపి ఓ రేంజ్లో పెరిగిపోయేది... "శారదా!!" అని ఆయన శంకరశాస్త్రి అవతారం ఎత్తగానే మేమందరం అక్క మెడవైపు చూడటం అది యధావిది గా నాలుక్కొరుక్కుని మా వైపో క్లోజ్ అప్ యాడ్ ఇవ్వడం  ఆ వెంటనే అమ్మ " పెళ్ళయిన పిల్లకి ఇంత మతిమరపు ఉండకూడదమ్మా..హవ్వా ఎవరన్నా స్నానం పేరు చెప్పి మంగళ సూత్రం కొక్కాలకు,మేకులకు తగిలించి వదిలేస్తారా..ఎవరన్నా వింటే నవ్విపోతారు..అక్కడ కూడా ఇలాగే చేస్తున్నావా.. అని క్లాస్ పీకడం  మాకు అలవాటయిపోయింది..



ఓ రోజు ఈ బాధ పడలేకా..మా అక్కకు ఎలాగయినా  జ్ఞానోదయం కలిగిద్దాం అనే సంత్సంకల్పంతో  చంద్రమతి కధను అక్కకు చెప్పాలని నిర్ణయించుకుని ,ఎందుకయినా మంచిదని ఒకసారి  హరిశ్చంద్రుడి సినిమా చూసి మరీ ప్రిపేర్ అయివచ్చాను..కొద్దిగా చెప్పానో లేదో అది మధ్యలోనే ఆపేసి.." ఒసే పిచ్చ మొహమా మిగతా పురాణాలన్ని మగవాళ్ళు రాసినా ఈ చంద్రమతి స్టోరీ లో ఈ పార్ట్ మాత్రం ఖచ్చితంగా అమ్మాయే రాసింది... ఇప్పుడు తాళి బొట్టు అందరికీ కనబడేలా వేసుకుని  తిరిగామనుకో మనకి పెళ్ళయిపోయిన విషయం తెలిసిపోతుందికదా.. అప్పటివరకూ మనల్ని చూడగానే కళ్ళల్లో మతాబులు వెలిగించుకున్న అబ్బాయిలందరూ ..ఆ.. దీనికి పెళ్ళయిపోయింది ఇంకో అమ్మాయిని చూసుకుందాం అనేసుకుని వెళ్ళిపోతే మనసెంత గాయపడుతుంది ..అందుకే అన్నమాట భర్తకు తప్పించి ఇంకెవరికీ తాళి చూపకూడదని నియమం పెట్టారు..కాబట్టి నాన్నా,అన్న,తమ్ముడు లాంటి కొంతమందికి తప్పా ఇంకే మగాడికీ చూపించకూడదు అన్నమాటా.. పాపం నాన్నకు ఆ విషయం తెలియదంతే "అని నాకే జ్ఞానోదయం చేసి వెళ్ళిపోయింది.. ..



మరోసారి మా పెళ్ళయిన కొత్తలో ఒక ఫ్రెండ్ తో మాట్లాడుతుంటే నీ తాళిబొట్టు ఏ చేత?? లక్క చేతా,జల్లెడ చేతా అని అడిగింది.."అంటే" అన్నాను అర్ధంకాక ... "ఏది నీ మోడల్ చూపించు చెప్తాను "అని బయటకు తీసి అదిరి పోయి బెదిరిపోయింది...అసలు మన తాళి అంటే ఆషా మాషీనా ఎంచక్కా ఫ్రెష్గా పౌర్ణమి  నోములు చేసుకుని కట్టుకున్న చంద్రికలు,ఇంకేదో నోముకోసం కట్టుకున్న పసుపుకొమ్ములు..,వరలక్షివ్రతం రూపులు ,చీరకోసం అని అట్టే పెట్టుకున్న ఓ అయిదారు  పిన్నులుతో కళ కళ లాడిపోతుంది .. "ఏంటే ఇది పూసలదానిలా ఈ దారాలేమిటి,కుంకాలేమిటి" అని దులిపేసింది..  "అదికాదే..సెంటిమెంట్ ... భర్త క్షేమం కోసమనీ చేయించారుగా అన్నాను "నసుగుతూ.

అది కూడా సేం మా అక్కలాగే సంబోధిస్తూ "ఓసి పిచ్చి మొహమా తాళి అంటే ఎవరు??భర్త ...భర్తకు మారు రూపం తాళి..అటువంటి  భర్తను నీట్గా ఉంచుకోవాలా వద్దా? మన అమ్మమ్మలు,నాన్నమ్మలు,అమ్మలు ఈ పురుషాధిక్య ప్రపంచంలో భర్తలను ఏమి అనలేక ఆ కసికోపం ఇలా భర్తకు మారు రూపమైన తాళికి పసుపులు కుంకాలు రాసేసి పిన్నులతో అలంకరించి మరీ తీర్చుకుంటారు..ఇప్పుడు జమనా బదల్ గయారే..కోపం వస్తే ఆ రాసేదో డైరెక్ట్గానే రాసేయచ్చు...కాబట్టి మన తాళి జిగేల్ జిగేల్మని మెరుస్తూ బాగుంటే మన బట్టలూ బాగుంటాయి ,భర్తా బాగుంటాడు.. అర్ధం అయ్యిందా అని మరో గొప్ప విషయం చెప్పింది...


ఇదిలా ఉంటే మా ఆయనకో కంప్యూటర్  ఇన్సిట్యూట్ ఉండేది ... అప్పట్లో ఒక అమ్మాయి మానస అని  వచ్చేది.... ఆ అమ్మాయి వస్తే చాలు జనాలందరూ ఎక్కడిపనులు అక్కడ వదిలేసి మరీ ఆ అమ్మాయిని తొంగి తొంగి చూసేవారు.. ఎందుకంటే మరి ఆ రోజుల్లో రెండు కోట్లు కట్నం ఇచ్చి పెళ్ళిచేసుకుందంటే ఆ మాత్రం క్రేజ్ ఉంటుందికదా .. ఏదో సామేత చెప్పినట్లు "తా దూర కంతలేదుగాని మెడకో డోలు" అని నాకొకటి కంప్యూటర్ రాదుగాని ఈ పిల్లను నాకు అప్పచెప్పారు నేర్పించమని...నేను ఎంచక్కా నాకొచ్చిన గేంస్ అన్ని నేర్పించేసి..పెయింట్ బ్రష్లో ఎడాపెడా నాలుగు బొమ్మలు గీసి చూపించేసి  ఆ తరువాత ఎంచక్కా ఇద్దరం  అత్తవారింట్లో ఆరళ్ళ గురించి ముచ్చట్లు పెట్టుకునేవాళ్ళం .. 


ఆ అమ్మాయి ఎప్పుడూ రాత్రి ఎనిమిది గంటలకు వెళ్తూ వెళ్తూ మెట్లు ఎంత స్పీడ్గా దిగివెళ్ళేదో అంతే స్పీడ్గా పైకొచ్చేసి అమ్మో మర్చిపోయాను అని మెడలో మంగళ సూత్రం టక్కున తీసేసి బ్యాగ్లో  పడేసి  వెళ్ళేది..అలా చేసినప్పుడల్లా "అదేంటండి అలా తీయకూడదు కదా భర్త కు హాని చేసినట్లుకదా" అని బుగ్గలు నొక్కుకొనేదాన్ని... "మీరు భలే వాళ్ళండి భర్తను ఎక్కడన్నా వదిలేసి వచ్చినా సేఫ్గా ఇంటికొచ్చేస్తాడు..అదే బంగారం పోతే మళ్ళీ తిరిగి వస్తుందా ...అయినా భర్తను ఒక సారి పెళ్ళి చేసుకున్నాకా వేల్యూ తగ్గుతుందేమోగాని పెరుగదు కదండి.. అదే బంగారం అయితేనా పెరగడమే పెరగడం అందునా నా తాళి పది కాసులు పెట్టి చేయించారు ..మీరెన్నన్నా చెప్పండి భర్త కంటే తాళే గొప్పది " అని ఇంకో గొప్ప విషయాన్ని నాకు చెప్పి జ్ఞానోదయం కలిగించింది..

ఇక అన్నిటికంటే లాస్ట్ జ్ఞానోదయం మొన్న జరిగింది..మాకో బీరకాయ పీచు అత్తగారు ఉన్నారు ..మొన్న వాళ్ళింటికి వెళ్ళినప్పుడు ఆవిడ హడావుడిగా ఎక్కడికో వెళుతూ కంగారు పడిపోతుంది.."ఏమిటి అత్తయ్య ఏమైనా హెల్ప్ కావాలా " అనగానే "ఓ ఫ్రెండ్ కూతురి పెళ్ళికి వెళ్ళాలి.. అన్ని నగలు సెలెక్ట్ చేసుకున్నా కాని తాళి బొట్టు ఏం సెలెక్ట్ చేసుకోవాలో తెలియడం లేదు అంది"...నేను విన్నది కరక్టేనా అని డవుటొచ్చి పక్కకు చూస్తే మంచం మీద ఒక అయిదారు మంగళ సూత్రాల సెట్టులు జిగేల్మంటూ కనిపించాయి...ఏంటి క్రింద  పడిపోయారా ...మరదే నేను ఈ మధ్య కాస్త ఇలాంటి వాటికి రాటుదేలాను లెండి అందుకే వెంటనే తేరుకున్నా..మూడు కాసుల నుండి పదిహేను కాసులవరకూ వివిద రకాల చైన్లతో ,మధ్య మధ్య రాళ్ళు పొదగబడిన పతకాలు కూర్చి జిగేల్మనిపించే సూత్రాలన్నమాట..


ఆగాండాగండి ఇప్పుడు మీరేం అనుకుంటున్నారో చెప్తాను..మరీ విడ్డూరం కాకపోతే ఇన్ని తాళి బొట్టులు చేయించడం ఏమిటి ..ఎక్స్ట్రాలు అనేకదా... ..తప్పుకదా ..పైన అన్ని ఉదాహరణలు ఇచ్చినా అలా నెగిటివ్గా ఆలోచిస్తారా..నా అనుభవాల దృష్యానేను దీనికి మీనింగ్ చెప్తాను..ఇప్పుడూ తాళి అంటే ఏమిటి ..భర్త ..భర్త అంటే తాళి ...ఎంత సేపూ మన సోకులకే గాని భర్తకి ఏమన్నా చేయిద్దామని ఆలోచన మన ఆడవాళ్ళకు ఏ కొసన అయినా వస్తుందా..అబ్బే ... అందుకే మన భర్త గౌరవం మన భాద్యత  కాబట్టి భర్తకు మనం ఏం చేసినా చెయ్యకపోయినా ఇలా తాళినన్నా రక రకాల మోడల్స్లో చేయించుకుని భర్త గౌరవాన్ని నలుగురిలో గొప్పగా చాటుదాం..
అదండి మగ మహారాజులు సంగతి..అందుకని తాళి కట్టడంతోనే మీ బాధ్యత అయిపోలేదు..మీ గౌరవాన్ని మేము నిలబెట్టేలా మీరు కృషి చేయాలి ..అది సంగతి ..ఏమంటారు లేడీస్ ...


 

82 వ్యాఖ్యలు:

వేణూశ్రీకాంత్ చెప్పారు...

కెవ్వ్వ్వ్వ్వ్వ్వ్వ్వ్వ్వ్వ్వ్. ఫస్ట్ కామెంట్ కోసం కామెంట్ రాస్తున్నాను. చదివి వచ్చి మళ్ళీ కామెంటుతా :-)

Sravya Vattikuti చెప్పారు...

kevv undandi chadivi mallee comment pedataa :-)

Sravya Vattikuti చెప్పారు...

హ హ సూపర్ అండి! ఇది చదువుతుంటే అదేదో సినిమా ఉంటుంది వజ్రాల తాళి కాన్సెప్ట్ తో గబుక్కున అది గుర్తొచ్చింది . హీరోయిన్ జయసుధ అనుకుంటా :-)
పోస్టు మాత్రం సూపర్ !

Anu చెప్పారు...

ha ha chala knowledge penchesaru thali gurinchi...mi blog naku chala nachindi andi chala baga rastaru meeru...

రాజ్ కుమార్ చెప్పారు...

నేను ఎంచక్కా నాకొచ్చిన గేంస్ అన్ని నేర్పించేసి..పెయింట్ బ్రష్లో ఎడాపెడా నాలుగు బొమ్మలు గీసి చూపించేసి ఆ తరువాత ఎంచక్కా ఇద్దరం అత్తవారింట్లో ఆరళ్ళ గురించి ముచ్చట్లు పెట్టుకునేవాళ్ళం ..
>>>

నేస్తం మార్క్.. ఇది.. ;) ;)

మీ బీరకాయ పీచు అత్తయ్యగారి ఇచ్చిన ఝలక్ బీరుకాయ కొట్టినంత కిక్ ఇచ్చిందండీ (ఏదో ప్రాస బాగుమ్దనీ)

మొత్తానికి ఈ రోజు పూలు పూచినందుకు ఆనందంగా ఉన్నాదీ హై.. ;)

పోస్ట్ as usual.. ;)

రాజ్ కుమార్ చెప్పారు...

ఆ చివరాఖరి ఫోటో లో కోపంగా చూస్తున్నావిడ మెడలోది తాళా? నేను భూచక్రానికి తాడు కట్టి వేసుకుందేమో అనుకున్నా... ;)

హరే కృష్ణ చెప్పారు...

సూపర్ టపా!

స్ఫురిత చెప్పారు...

హ హ సూపర్... last pera లో చాలా మంచి idea ఇచ్చారు. అన్నట్టు fridge లో పెడితే భర్త చల్లగా వుంటాడని ఎవరూ చెప్పలేదా...:)

హరే కృష్ణ చెప్పారు...

...శారదా!!" అని ఆయన శంకరశాస్త్రి అవతారం ఎత్తగానే మేమందరం అక్క మెడవైపు చూడటం అది యధావిది గా నాలుక్కొరుక్కుని మా వైపో క్లోజ్ అప్ యాడ్ ఇవ్వడం

...అసలు మన తాళి అంటే ఆషా మాషీనా ఎంచక్కా ఫ్రెష్గా పౌర్ణమి నోములు చేసుకుని కట్టుకున్న చంద్రికలు,ఇంకేదో నోముకోసం కట్టుకున్న పసుపుకొమ్ములు..,వరలక్షివ్రతం రూపులు ,చీరకోసం అని అట్టే పెట్టుకున్న ఓ అయిదారు పిన్నులుతో కళ కళ లాడిపోతుంది

....ఓసి పిచ్చి మొహమా తాళి అంటే ఎవరు??భర్త ...భర్తకు మారు రూపం తాళి..అటువంటి భర్తను నీట్గా ఉంచుకోవాలా వద్దా?


కేవ్వ్వ్వవ్వ్వ్వ్

సుజాత చెప్పారు...

ఇపుడు అర్జెంట్ గా నాలుగైదు డిజైన్స్ చేయించేసి పెట్టేస్తే ఎలా ఉంటుందనీ అలోచిస్తున్నా! :-))
అదేదో సినిమాలో జయసుధకు వాళ్లాయన (ఇంకెవరూ? శోభన్ బాబే) మూడున్నర లక్షలు పెట్టి(ఇరవయ్యేళ్ల క్రితం సినిమాలో) వజ్రాల మంగళ సూత్రాలు చేయిస్తాడు. ఆమె సవతి కూతురి పెళ్ళికి అవి ఇచ్చి పెళ్ళి చెడకుండా కాపాడుతుంది.
నీతి: వజ్రాల మంగళ సూత్రాలు చేయించుకోకూడదు.

తాళి సినిమాలో మాత్రం తాళితో ఈవీవీ సత్యనారాయణ బూమరాంగ్ , లేదా రింగాట భలే ఆడించాడు. చూశారా మీరు? ఆ బూమరాంగ్ గేము కోసమే టీవీలో ఎప్పుడొచ్చినా చూస్తాను నేను.

ఇప్పుడేంటి..మంగళ సూత్రాలు గొలుసు కలిపి ఒక కాసులో కానిచ్చేస్తే సేఫ్ అంటారా? అలాగే కానిచ్చేద్దాం...వాకే

బులుసు సుబ్రహ్మణ్యం చెప్పారు...

>>> ఏంటి క్రింద పడిపోయారా.......

పడి 'పోయాను'.

ఇటువంటి తాళివ్రతల నుండి భర్తలను కాపాడేవారు లేరా?

veenaa lahari చెప్పారు...

:-) :-) చదవడానికి సరదాగా ఉన్నా తాళి ఎంత ఎగతాళిగా మారిపోయిందో అని కాస్త బాధగా కూడా ఉండండి

Sunita Manne చెప్పారు...

మ్మ్....అంటే నేస్తం గారూ నాకు తాళి అంటే చిరాకు, నల్లపూసలైతే బాగా ఇష్టం. అందుకే తాళి బదులు ఓ నాలుగు మోడల్స్ నల్లపూసల గొలుసులైతే ఫరవాలేదా? అందునా బంగారం రేటు కూడా చుక్కల్లో ఉందాయే? పైగా ఆ ఆఖరిఫోటో భూచక్రం నాకసలు నచ్చలా:)))

శ్రీలలిత చెప్పారు...


ఇంతగా చెప్పాక ఇంకేమంటాం..మీరేమంటే మేమదే అంటాం..
భార్యామణుల తాళుల గౌరవం కాపాడవలసిన బాధ్యత సదరు భర్తగారిదే.. అంతే.. అంతే..

harephala చెప్పారు...

సూపర్... సూపర్.. సూపర్...

బంతి చెప్పారు...


పోస్ట్ సూపర్.. ఆ లాస్ట్ ఫొటో కెవ్వ్వ్వ్

శశి కళ చెప్పారు...

హ...హ..చిన్నగా నవ్వుకోలేదు.
మీ అక్క గారి జ్ఞానోదయం,పది రకాల తాళి బోట్లు
కేవ్వ్వ్వ్వ్వ్వ్వ్వ్వ్వ్...అంటే

జయ చెప్పారు...

భలే ఉందండి. చాలా మంచి అయిడియా. చూసారా ఇంత కాలం నా మట్టిబుర్రకు తట్టనే లేదు. వెంటనే కాసుల పేరు తో ఓ మంగళ సూత్రం, అయిదారుపేటల గొలుసుతో ఓటి, ముత్యాల తోటి ఒకటి, రూబీలతో ఓటి, పచ్చల తో ఓటి, పెద్ద హారం తో ఓటి ఆర్డర్ ఇప్పించేస్తే బాగుంటుందనిపిస్తుందండి.ఎన్నో కళలతో కలకాలం వెలిగి పోయే లా భర్త గారిని చూసుకోవచ్చు:)

సూపర్ టపా. జ్ఞానొదయం కలిగించిన టపా. ధన్యవాదాలు.

..nagarjuna.. చెప్పారు...

ఇంకొంచెం ముందుకెళితే భర్తకు పెట్టాల్సిన తిండి ఖర్చులు కూడా తాళికే పెడతారా లేడీసు :))

సూపర్ పోస్ట్ :))

>> భూచక్రానికి తాడు కట్టి వేసుకుందేమో అనుకున్నా... ;)

డిట్టో హియర్ :)

ప్రసీద చెప్పారు...

బావుందండి మీ తాళి ప్రహసనం.. ఆ సినిమాలో జయసుధకి వెరైటీగా శరత్ బాబు అండీ భర్త.. శోభన్ బాబు కాదు పాపం.. ఆయన ఎంత పెద్ద వజ్రాల తాళిని సవతి కూతురు పెళ్ళికి దానం చెయ్యడం, ఆ పెళ్ళికి కావలసిన ఖర్చంతా దానితో అలవోకగా జరిగిపోవడం.. హేవిటో..

Sai Praveen చెప్పారు...

ఈ తాళి టపా నా కళ్ళ కటకటాలను బార్లా తెరిచింది హై. నా బుర్రలో జ్ఞాన బల్బు వెలిగిన ఈ సందర్భముగా నేను నా కాబోయే భార్యకు అరడజను తాళులు (బంగారం కంపల్సరీ అంటారా?) చేయిస్తాననిన్నూ, తనకు దానిని అప్పుడప్పుడు హాండ్ బాగ్ లో దాచుకునే ఫెసిలిటీ ఇస్తాననిన్నూ , నిద్రలో మా ఆవిడ తాళి పొజిషన్ మారితే దానిని హింట్ గా భావిస్తాననిన్నూ డిసైడ్ అయ్యానూ హై...

టపా ఎప్పటి లాగే సూపర్ :)

Narayanaswamy S. చెప్పారు...

చాలా రోజులతరవాత మీ టపా. మీ తాళి పదును .. ఐమీన్, కీబోర్డు పదును ఏమాత్రం తగ్గలేదు. దీర్ఘ సుమంగళీ భవ .. అంటే, ఇప్పుడున్న తాళికి రెట్టింపు పొడుగున్న తాళి త్వరలోనో ప్రాప్తించుగాక అని :)

రాజ్ కుమార్ కామెంటు కేక!

వేణూశ్రీకాంత్ చెప్పారు...

హహహ ఎప్పటిలాగానే ఆపకుండా చదివించేస్తూ గొప్పసరదాగా సాగిపోయిందండీ పోస్టు :-) పాపం మీ బ్లాగు చదివే శ్రీమతుల పతులకు నా సానుభూతి. అసలే బంగారం రేట్లు ఆకాశంలో ఉన్నాయాయే మీరు చూస్తేనేమో సెంటిమెంట్ తో లింకేశారు వాళ్ళనా భగవంతుడే కాపాడాలి :-)))

పరిమళం చెప్పారు...

నేస్తం !తాళి సంగతి సరేగాని మీరేంటి నాకంటే నల్లపూసైపోయారు :) అన్నట్టు మీరు మరోలా అనుకోనంటే ఓమాట! చివరివరకూ తాళంటే భర్తకు ప్రతిరూపం అని చివర్లో ఆవిడ ఐదారు మంగళ సూత్రాలనగానే ఖంగుతిన్నాస్మండీ :)
"తాళి బొట్టు నిద్రపోయి లేవగానే మెడ వెనుకగా వీపు వైపుకు చేరితే భర్త రెండో పెళ్ళి చేసుకుంటాడట" అందుకేనేమోనండీ చాలామంది రాత్రి దిండుక్రింద పెట్టుకొని పొద్దుటే వేసుకొనేది :)

వెంకట రాజారావు . లక్కాకుల చెప్పారు...

బంగారం ధర పెరిగింది గనుక చీకటి పడంగానే పెళ్ళాలు మొగుళ్ళని ఐరన్ సేఫ్ లో కుక్కేస్తున్నారుగా !
సాంతం సరదాగా సాగింది "తాళి"
----- సుజన-సృజన

రసజ్ఞ చెప్పారు...

హహహ! భర్త పది కాలాలు చల్లగా ఉండాలంటే ఫ్రిడ్జ్ లోనూ, చలికి జలుబు చేస్తుందంటే ఓవెన్ లోనూ మంగళ సూత్రాలు పెట్టాలని ఎవ్వరూ చెప్పలేదా ;)
"మంగళ సూత్రం విషయంలో ఒక్కో అమ్మాయికి ఒక్కో నిర్ధిష్టమైన అభిప్రాయాలు ఉంటాయని..అందరూ నాకులా ఎదుటివాళ్ళు ఏం చెప్తే అదివినేసే రకాలు ఉండరని" అంత మాట అనేసారేమిటి? నేనింకా మీరు చెప్పింది (వ్రాసింది) బుద్ధిగా వినేస్తుంటే (అదేలే చదివేస్తుంటే)!!

Bhardwaj Velamakanni చెప్పారు...

LOL

జ్యోతిర్మయి చెప్పారు...

హహహ...కాదేది పోస్ట్ కనర్హం అని...భలేగా వ్రాశారు.

Hamsa చెప్పారు...

మీరు సూపరండి...! మొదట్లో ఇలాంటివి చూసి అదోలా అనిపించినా ప్రస్తుతం అలవాటు అవుతోంది.! మీconclusion funny గా బాగుంది...

నేస్తం చెప్పారు...

వేణు గారు మీదే ఫస్ట్ కామెంట్ ...
.శ్రావ్యా థాంక్యూ...పోస్ట్ నచ్చినందుకు,రాయిన్చినందుకు
అనుగారు ధాంక్యూ ధాంక్యూ అండి మీకు నా పోస్ట్ బ్లాగ్ నచ్చినందుకు ..

>>>ఆ చివరాఖరి ఫోటో లో కోపంగా చూస్తున్నావిడ మెడలోది తాళా? నేను భూచక్రానికి తాడు కట్టి వేసుకుందేమో అనుకున్నా... ;)
ఎలాంటి ప్రసన అడిగావో తెలుసానువ్వు రాజు ??నిన్ను క్షమించకూడదు..ఆవిడ హరిత.రవళి అక్క ..కలవారి కోడళ్ళు లో అత్తగారు..ఈవిడ వేసే నగలకోసం,చీరలకోసం,ముఖ్యంగా బ్లౌస్ డిజైన్ కోసమే నేను ,మా అత్తయ్య ఈ సీరియల్ చూస్తాం.

నేస్తం చెప్పారు...

హరే :)) థాంక్యూ పోస్ట్ నచ్చినందుకు

స్పురిత ..హిహిహి ఆ అడ్డడ్డే ఆ విషయం ఎవరూ చెప్పలేదు సుమీ

>>>ఇప్పుడేంటి..మంగళ సూత్రాలు గొలుసు కలిపి ఒక కాసులో కానిచ్చేస్తే సేఫ్ అంటారా? అలాగే కానిచ్చేద్దాం...వాకే..
సుజాతగారు హహహ ...కొప్పున్న అమ్మ ఎన్ని పూలన్నా పెట్టుకోవచ్చు..కాకపొతే ప్రస్తుత రోజులు బట్టి కాసులోపయితేనే బెటర్ అండీ బాబు.. మరి ఎప్పుడూ మనం ధరించే వస్తువుకధా ...:)

బులుసుగారు..అనుకున్నాను మీరు ఇలాగే అంటారని అనుకున్నాను..మీ మగవాళ్ళు అందరూ ఇంతేనండి ఇంతే ..మీరు మారారు మిమ్మల్ని మేము ఎక్కడికో తీసుకువెళదాం అనుకుంటాం ..కాని మీరు రారు ..ఎక్కడ వేసిన గొంగళి అక్కడే అన్నట్లు ఉంటారు..ఎం చేస్తాం మా ఖర్మ అంది ఖర్మ (ముక్కు చీదుతూ )

నేస్తం చెప్పారు...

లహరిగారు ..హూం ఏం చేస్తాం అండి ..జమానా బదల్ గయా కదా మరి :)

సునీత గారు హహహ తాళి తాలే నల్లపూసలు నల్ల పూసలే ...నా మాటవిని అది ,ఇది రెండూ చేయిన్చేసుకోండి ..ఇది చైన్లా ఉంటుంది (లోపలే వేసుకుంటాం కాబట్టి) అది పెళ్ళయిన సింబల్ గానూ ఉంటుంది ..నాకు కూడా నల్ల పూసలు భలే ఇష్టం..ఇప్పటికి రెండు మోడల్స్ చేయించుకున్నా..:) హరిత వేసుకున్న భూచక్రమేనా .... నాతొ అన్నారు కాబట్టి సరిపోయింది మా ఊర్లో అని ఉంటె ఏమయిపోయెవారో ...మా అపార్ట్మెంట్ అపార్ట్ మెంట్ కి ఈవిడ వేసుకునే మోడల్స్ క్రేజ్ ...ముఖ్యంగా ఈ తాళి..ఇది చూసి తెగ పెట్టిన్చేసారులే పతకాలు :)

శ్రీలలితగారు అంతే అంతే ..హమ్మయ్య మీరోక్కరు నన్ను బాగా అర్ధం చేసుకున్నారు :)

హరేఫల గారు ధాంక్యూ ధాంక్యూ

నేస్తం చెప్పారు...

బంతి అవునా..అయితే అలాంటిదే మా మరదలికి చేయించే మర్చిపోకు..

శశి గారు ధాంక్యూ ధాంక్యూ :)

జయగారు అబ్బబ్బబ్బా.ఏం సెప్తిరి ఏం సెప్తిరి ...అసలు కెవ్వు మీ కామెంట్ అంతే ...నాకు అసలు ఆ మోడల్స్ అన్నీ కళ్ళ ముందు కనిపిస్తున్నాయి ..:)

నాగార్జునా ఏం ఏం ..ఏది చేసినా మీకోసమే కదయ్యా ..ఎక్కడికన్నా వెళ్ళాలంటే ఉన్న నగలను సెలెక్ట్ చేసుకోవడమే తలనెప్పి అలాంటిది తాళి కూడా తడవకో రకం మార్చాలంటే ఎంత కష్టం ..అయినా ఆ త్యాగం చెయ్యడానికి సిద్దపడుతున్నామా లేదా..

నేస్తం చెప్పారు...

ప్రసీద గారు జేనరల్గా ఇలాంటి క్యారెక్టర్స్ మొదట శోబన్ బాబే నటిస్తాడు ..అందుకే అన్నమాట టక్కున ఆయన అనేసారు...ఏకంగా వజ్రాల తాళి సవతి కూతురుకి దానం చేసేసిందా ..అందుకేనండి బాబు సవతులను ఎట్టి పరిస్తితుల్లో తెచ్చుకోకూడదు..:)

అయ్యబాబోయ్ సాయి ప్రవీణ్ నువ్వు సామాన్యుడివి కాదు ... పైకి కనబడవేం :)

నారాయణ స్వామిగారు మీ కామెంట్ సాంతము అర్ధం కాలేదు ..కాని నాకు పొట్టి పొడవులెం వద్దండి ..నాకు ఇదే చాలు

అంతే వేణు గారు అంతే ... డబ్బుకి ఇచ్చిన విలువ మీ గౌరవానికి ఇవ్వట్లేదు మీరు ..చెప్పానుగా మీరు మారరంతే ..

నేస్తం చెప్పారు...

పరిమళం గారు చాన్నాళ్ళకు నేను మిమ్మల్ని చూసాను..ఈ మధ్య ఈ బ్లాగులను చూడటం లేదండి ..అలవాటు తప్పేసింది.ఏవో భవబంధాలు ....అలా రోజులు గడిచిపోతున్నాయి..అయిదారు తాళు లను ఆ ఉద్దేశంతో చూసారా... హహ భలేవారే ఏదైనా మనకు అనుకూలం గా మార్చేసుకోవాలి.అంటే వివిధరకాల తాళులు వివిధరకాల బట్టలేసుకుని తయారయిన భర్త లెక్క అన్నమాట :)

>>>.అందరూ నాకులా ఎదుటివాళ్ళు ఏం చెప్తే అదివినేసే రకాలు ఉండరని" అంత మాట అనేసారేమిటి? నేనింకా మీరు చెప్పింది (వ్రాసింది) బుద్ధిగా వినేస్తుంటే (అదేలే చదివేస్తుంటే)!!
రసజ్ఞ గారు అంటే మనలాంటి అమ్మాయిలూ నూటికో కోటికో ఉంటారన్నమాట ..మన బ్లాగ్లోకంలో నేను ఒక్కదాన్నే ఉన్నాను అనేసుకున్నా...చూసారా ఎంత విచిత్రమో ..ఇంకో కోటిలో ఉన్న మీరూ నాకులాగే బ్లాగ్లోకంలో ఉన్నారన్నమాట :)

భరద్వాజ్ గారు :)

జ్యోతిర్మయిగారు మరంతే కదా:)

హంసగారు ధాంక్యూ :)



గిరీష్ చెప్పారు...

సూపర్ అండీ.. :)

Lasya Ramakrishna చెప్పారు...

తాళి గురించి ఏంతో మందికి జ్ఞానోదయం కలిగించారు. కెవ్వు కేక...

అజ్ఞాత చెప్పారు...

hello nestam garu,

mee blogs anni nenu chala recent ga chadivanu...very happy to see a new one...naku mee blogs chala nachai..mee sense of humor ki hats off.....

Rajendra Prasad(రాజు) చెప్పారు...

నా లాగ త్వరలో పెళ్ళి చేసుకుందాం అనే వాళ్ళాకి వార్నింగ్ లాగా ఉందండి బాబు... :)

Rajendra Prasad(రాజు) చెప్పారు...

చాలా రోజుల తరువాత పోస్ట్ వేశారండి... :(
భవబంధాలు ఎప్పుడూ ఉండేవే అండి... బ్లాగుల పైన కూడా ద్రుష్టి పెట్టండి...
ఇక పోస్ట్ గురించి... సూపర్ టొ ది పవర్ ఆఫ్ 100 అండి

kiran చెప్పారు...

హహ్హహహహ్హహహహహహహ్హహ
సూపరు అక్క
మీకు కేక...
మీ అక్క కేకన్నర
మీ పీచు అత్తా గారు కేకస్య కేకోన్నరహ...

Subha Haasini చెప్పారు...

హహహహహ :):):) మనం కృషి చేస్తాం వీర లెవెల్లో కానీ....... ఒక చిన్న సందేహం నేస్తం గారూ బడ్జెట్ పద్మనాభాల సంగతి ఏంటా అని?
-సుభ

మధురవాణి చెప్పారు...

కెవ్వ్... వామ్మో.. 'తాళి' గురించి ఇన్ని రకాలుగా జ్ఞానోదయం చేస్కోవచ్చని నాకిప్పటి దాకా తెలీదు.. నువ్వు కేక అసలు.. ఇండియా వెళ్ళిన దగ్గర్నుంచీ బోల్డు లోకజ్ఞానం సంపాదించేస్తున్నావన్నమాట.. :)))

@ రాజ్,
భూచక్రం పోలిక సూపర్.. నిజంగా అంతే ఉంది అది.. :P

sunamu చెప్పారు...

Hilarious. I have never read such funny stuff on such a sentimental subject. Congratulations.

నేస్తం చెప్పారు...

వెంకటా రాజా రావుగారు థాంక్యూ :)
గిరీష్ గారు ధ్యాంక్స్ అండి:)
లాస్య రామక్రిష్ణ గారు ధాంక్యూ:)
అజ్ఞాత గారు ధాంక్యూ వెరీ మచ్:)
రాజంద్ర ప్రసాద్ గారు అలా అంటారా..అలాగే చూద్దాం :)
కిరణ్ మొత్తానికి నీ కామెంట్ కూడా కెవ్వు కేక.:).

నేస్తం చెప్పారు...

సుభ గారు అందుకే ఆ బడ్జెట్ పధ్మనాభాల కోసమే ఈ పోస్ట్..మన కోసం ఎలాగు ఆలోచించరు కనీసం వాళ్ళ కోసమైనా ఆలోచిస్తారని:)
మధు మరేమనుకున్నావ్..ఇండియానా మజాకానా..ఇప్పటికే అపారమైన జ్ఞాన సంపద తెగ నేర్చేసుకున్నా..నీకేమన్నా కావాలంటే చెప్పు :)
సునాము గారు ధ్యాంక్స్ అండి

Kaavya anjali చెప్పారు...

హహ్హహ్హా....చాల బాగుందండి :)......అన్ని సెట్టులు అంటే....భర్తగారి గౌరవం పెరుగుతుందో లేదో కానీ కచ్చితంగా BP పేరుగుతుందండి

reddykvrk చెప్పారు...

Friend ! narration style is good,try to post frequently !

భావన చెప్పారు...

సూపర్ నేస్తం మీరు. ఇంటర్ లో నా ఫ్రెండ్ వాళ్ళ అక్క (అప్పుడే పెళ్లి అయ్యింది) అదేదో సినిమా లో రాధిక పొడుగాటి మంగళ సూత్రం వేలితో (బొటన వేలు తో అనుకుంటా) బయటకు లాగి ఇది పెళ్లంటారా (సినిమా పేరు కూడా అదే అనుకుంటా) అంటుందని ఈమె కూడా మాట మాట్లాడితే ఇది పెళ్లి అంటారా అని స్టైల్ మాకు చేసి చూపించేది (అక్క కు కూడా పొడుగాటి మంగళ సూత్రం ఉండేది లే బడాయి గా) , చూసి చూసి ఒక రోజు మావయ్య గారు (అప్పట్లో ఈ అంకుల్ పెంకుల్ బిజినెస్ లేదు మావయ్య గారు అనే వాళ్ళం అబ్బాయి లు లేక పోయినా వాళ్లకు :-( ) తెగ తిట్టేరు పెళ్లి కాకపొతే ఏమంటారు దాన్ని ..... .... ..... (తిట్లు రాస్తే బాగుండదు సెన్సార్డ్) అని. అది గుర్తొచ్చింది. మొగుడిని సాధించాలి అంటే అప్పుడు అప్పుడు తాళి కి సాన లాంటిది పట్టి మెరుగు పెట్టించు కుంటే ఎలా ఉంటుందో.. : -)

అజ్ఞాత చెప్పారు...

" మొగుడిని సాధించాలి అంటే అప్పుడు అప్పుడు తాళి కి సాన లాంటిది పట్టి మెరుగు పెట్టించు కుంటే ఎలా ఉంటుందో."

ఆది సినేమానుంచి బ్లేడ్ తో పీక కోయటం ఫేమస్ అయింది. మీ సలహా విని ఎవరైనా మగవారిని సాన బెట్టిన తాళి తో కోయటం మొదలుపేడితే ఇక అంతే సంగతులు. అయినా తాళికి సాన పెట్టటానికి ఇంకొకరి మీద ఆధారపడాలి, ఆడవారికి నాలుక తాళికన్నా పదును కదండి. ఎవరైనా ఇంకా నాలుకను పదును పెట్టించుకోవాలంటే స్రీ సాహిత్యం రాసె ఓల్గ, కల్పన్నక్కయ పుస్తకాలు చదివితే చాలు :-)

నేస్తం చెప్పారు...

కావ్య :)) ధాంక్యూ.. :)

రెడ్డిగారు ధాంక్యూ

భావనగారు హహ చాన్నాళ్ళకు మిమ్మల్ని చూసాను... ఆమె సినిమా లో ఊహా ఆవేశంగా ఒక మాట చెప్తుంది..డైలాగ్ సరిగ్గా గుర్తులేదుగాని మనుషులు కట్టేది పసుపుతాడురా నీలాంటి పసువులు కట్టేది పలుపుతాడు..అని తీసి మొహానికి కొడుతుంది.. ఆ డైలాగ్ నాకు కంఠతా..ఆ డైలాగ్ బావతో అంటుంది అనుకుంటా...మా అక్క పెళ్ళయ్యేంతవరకూ ఆ డైలాగ్ చెప్ప్తే బాగానే నాతో పాటునవ్వేది..తన పెళ్ళవగానే ...చంపేస్తా జాగ్రత్త ఇంకోసారి ఈ దిక్కుమాలిన డైలాగ్ ఇంట్లో చెప్తే అని శివాలెత్తేసేది :)

అజ్ఞాత గారు సరదా పోస్ట్ అండి సీరియస్ అవ్వొద్దు ప్లీజ్ :)

Ushassu చెప్పారు...

bagundandi mi post.. naku chinnapati nundi teerani oka doubt.. cinema lo kattedi nijanga taali e na? ala aithe vallaku bartha lu kaara?

komatineni చెప్పారు...

Somehow missed this blog. Great posts and like the natural and 'telugu' posts. maree thali gurunchi, maalanti nissahaya bhartala gurunchi raasindi choosaka, navvatam aaapukolekapoyaanu.

నవజీవన్ చెప్పారు...

"తాళి" అనే కాన్సెప్ట్ మీద సూపర్ డూపర్ హిట్ అయిన తెలుగు సినిమాలు ఎన్నో ఉన్నాయి మేడమ్...మీ పోస్ట్ కూడా అంతే సూపర్ హిట్టు ....హ హ హ

Sujata చెప్పారు...

మంగళ సూత్రం మీద్ కూడా ఇంత హాస్యమా ? హన్నా ! చాలా మంది మహిళలు బంగారం గురించి మాటాడుకోవడం ఈ తాళి మీద నోట్స్ కంపేర్ చేసుకోవడంతోనే మొదలవుతుంది. Truly hilarious.

అజ్ఞాత చెప్పారు...

Superb post !!! Enjoyed reading it !! Asalu mee style of writing chaala bavuntundi.

నేస్తం చెప్పారు...

ఉషస్సు గారు,కోమటినేని గారు,నవజీవన్ గారు,సుజాత గారు,అజ్ఞాత గారు అందరికీ ధన్యవాదాలు..కొంచెం లేట్ రిప్లయ్ :)

shannu చెప్పారు...

Hello...nenu telugu ante kindapdi meedapadi chachipota...antha pichi...alagani panditni kadu lendi..edo tappulu lekunda titlato saha baaga matladatam vachu..nenu chadivina first telugu blog meede...:) pichi pichiga nachesindi naaku..me writing style kevvvvvvvvvvvvvvvvvvvvvvvv....

manam kuda me lage chala tingari batch..(tingari anan ani feel aite sorry andi :( )entha sepu vagutune unta..em matladina with expressions cheppichampesta anna mata...

ippudu kasepu mimmalni pogudukunta..
me lyf lo jarigina incidents anni intha baga navvochela bhale raseru..nenu me posts chadivi tega navveskunna..anni okati taravata okati line ga chadivesa..asalu apalanipinchale..bore kuda kottale..
nenu meku fan,a/c rendu aipoya.. :D
meeru katti keka turumu anthe..me husband ki ee line chupinchi baga pose kottande..inko vishyam me blog chadivithe entha chetta mood lo unna set aipoddi..me blog chadivaka lyf ni comedy angle lo chudatam strt chesa..ye pblm aina itte solve aipoddi anipistundi..
ivi nijanga na manasulo matale..urike pogadaledu..
inka ilanti posts rastune undandi me next post kosam waiting..anni chadivesa mari :) :( ee comment ni accept chesi naku reply istaru ani asistu..

me abhimani :)

CP చెప్పారు...

అద్భుతం...సుపర్బ్... ఏం చెప్పగలం ఇంతకు మించి? ఆ పద ప్రవాహంలొ చదువరి అలా సాగిపోవాల్సిందే! కొట్టుకుపోవాల్సిందే !!! నాకు మీ టపాలు చాలా ఇష్టం.
మీకు వీలున్నప్పుడు నా బ్లాగ్ చదవండి. నేను ఈ మధ్యే రాయటం మొదలు ఫెట్టాను.

http://whosaidicantblog.blogspot.in/2013/03/blog-post.html

Thanks for wonderful posts!!

అజ్ఞాత చెప్పారు...

Deeni conclusion emiti? Asalu veskovala vodda?

అజ్ఞాత చెప్పారు...

నమస్తే నేస్తం గారు,
మీ తాళి పోస్ట్ నేను చూసిన ఫస్ట్ పోస్ట్,ఇది చూడగానే నాకు ఎంత నచ్చిందో చెప్పలేను,ఇది చదివిన తర్వాతే తెలుసుకున్నాను తాళి ఎవరికీ కనిపించకుండా ఉంచుకోవాలని,ఇప్పటివరకూ నాకీ విషయం తెలీదు..నేను అసలు బ్లాగులు కానీ,అందునా పెద్ద పెద్ద పోస్టులు కానీ అస్సలు చదవను,వేరేవి ఏవైనా సరే కట్టలు కట్టలు ప్రింట్లు తీసి మాత్రమే చదివే నేను మీ బ్లాగు చూసాక మాత్రం నాకా ఆలోచనే రాలేదండి,మీరు నా కళ్ళని అలా అలా లాక్కెళ్ళిపొతూ...నే ఉన్నారు,పొద్దున్నుంచీ సాయంత్రం వరకూ మీ బ్లాగుని అలా చదువుకోవడం,తలచుకోవడం,నవ్వుకోవడం, ఇదే పని కొన్ని రోజుల వరకూ.మీ సాంప్రదాయబద్ధమైన ఆలోచనలు,అమాయకత్వం నాకు చాలా నచ్చాయి.అచ్చం నాలాగే ఉందేంటి అని చాలా సందర్భాలలో అనుకున్నాను.

ఎవరైనా బ్లాగులు బాగా రాయగలరేమొ కానీ ఇంత బాగా మాత్రం ఎవరూ రాయలేరండీ,ఏవో కొన్ని పోస్టులు చదివించగలరేమో కాని అన్ని పోస్టులూ...అందునా మొదటి పోస్ట్ నుంచీ చివరి పోస్ట్ వరకూ అంత్తే.. ఆసక్తితో చదివించడం కష్టమండీ...

ఎంత చక్కటి పోస్టులండీ ...మీ పుట్టినింటి కుటుంబం,మీ అక్కయ్య,మీ స్నేహితురాళ్ళు,మీ పెళ్ళి చూపులు,మీవారు,మీ అత్తవారిల్లు,మీ బంటి,మీ ఆషాఢం ముచ్చట్లు,మీ సింగపూర్ ప్రయాణం,యశొదా ఆంటీ,సందీప్,మలయ్ ఆంటీ,మీ పన్ను నొప్పి గురించీ, మీ కాలేజీ అనుభవాలు,గీతాంజలి సినిమా అనుభవాలు,ఇంకా...ఇంకా.. ఎన్నో.. ఎన్నెన్నో..ఏది నచ్చింది అంటే ఎలా చెప్పగలం?మీరు చాలా అదృష్టవంతులండీ చాలా చక్కటి అనుభవాలు మీ సొంతం. మీ బ్లాగ్ చదువుతుంటే మనస్సు ఎంతో తేలిక పడీపోతుంది,హాయిగా ఉల్లాసంగా అనిపిస్తుందండీ.నాదృష్టిలో చాలా పెద్ద రచయిత్రి మీరు.ఎటువంటి వారినైనా ఏకబిగిన చదివించగలిగే సామర్థ్యం మీ సొంతం,అందులో సందేహమే లేదు.

అన్ని పోస్టులు చదివాక కామెంట్ ఇద్దామని అనుకున్నాను,ఇపుడు మొత్తం చదివాను కాబట్టి ఇలా పెడుతున్నాను,2012 అక్టోబరు తర్వాత పోస్టులు ఏమీ లేవు,త్వరలో మాంచి పోస్ట్ తో వస్తారని,రావాలని ఆశిస్తున్నాను,ఏది ఏమైనా మీరు మాత్రం ఈ బ్లాగుని ఎప్పటికీ.. కొనసాగించాలని మీ మనవళ్ళు,మనవరాళ్ళు వచ్చాక వాళ్ళ వాళ్ళ ముచ్చట్లతో కూడా ఇలాగే... ఇలాగే... రాస్తూ....నే ఉండాలని,ఆ శక్తిని భగవంతుడు మీకివ్వాలని ప్రార్థిస్తూఒక అభిమాని గా నా ఆకాంక్ష .
మీ అభిమాని

అజ్ఞాత చెప్పారు...

ఏమైపోయారు , అక్టోబర్ నుండి జూన్ వరకు పోస్ట్ లే లేవు .
ఏదో ఒకట త్వరగా రాసేయండి . ఎండలు కూడా వెళ్ళిపోయాయి .

PBVSN Raju చెప్పారు...

ఏమై పోయారు.నేను మీ రచనలుకు చాలా తక్కువగా వ్యాఖ్యలు చేసినప్పటికీ మీ బ్లాగ్ రెగ్యులర్గా చదువుతాను. ఇంత కాలంగా మీ రచనలు లేకపొయేసరికి అత్మీయులను చాలా మిస్ అయిన ఫీలింగ్ . waiting for your reply.

శ్రీ చెప్పారు...

mee taali post chadivi ippude jnanadeepam veligindi... ROFL .... chala bagundi ...

VENKAT చెప్పారు...

బాబోయ్ తాళి అంటే ఎదో తలి తరపు వాళ్ళు అరకాసు, అత్తరి తరపు వాళ్ళు కాసు అని మాత్రమే అనుకున్నా. ఇలా కూడా ఉంటుందని ఇప్పుడే తెలుసుకున్నా.

చంపేశారు ఆద్యంతము మీ పోష్టు కెవ్వు కేకే!!

ఫదికాసుల తాళే? ఇన్నాళ్ళు మోసేవాడే (భరించువాడు - భర్త) భర్త అనుకున్నా, అంత తాళి బరువు మోసే భార్య కూడా భర్తే.
రాత్రి పూట బేగ్ లో పెట్టేసే భర్త - అవిడియా బావుంది సుమా.

bollam lavanya చెప్పారు...

chala bagundi :)

PBVSN Raju చెప్పారు...

బాగున్నారా... మీ బ్లాగ్ చూడడం మానేసిన తరువాత బ్లాగ్స్ చూడడం మానేసాను. ఎందుకంటే మీ బ్లాగ్ చూడకుండా వుండలేక. కొత్త పోస్ట్ లేకపొయినా.. మీ సమాచారం ఉండక....sad feelings... distrubga vuntondi... Hope are you fine....

PBVSN Raju చెప్పారు...

బాగున్నారా... మీ బ్లాగ్ చూడడం మానేసిన తరువాత బ్లాగ్స్ చూడడం మానేసాను. ఎందుకంటే మీ బ్లాగ్ చూడకుండా వుండలేక. కొత్త పోస్ట్ లేకపొయినా.. మీ సమాచారం ఉండక....sad feeling...

PBVSN Raju చెప్పారు...

బాగున్నారా... మీ బ్లాగ్ చూడడం మానేసిన తరువాత బ్లాగ్స్ చూడడం మానేసాను. ఎందుకంటే మీ బ్లాగ్ చూడకుండా వుండలేక. కొత్త పోస్ట్ లేకపొయినా.. మీ సమాచారం ఉండక....sad feelings... distrubga vuntondi... Hope are you fine....

PBVSN Raju చెప్పారు...

hello.. hello...hello....

PBVSN Raju చెప్పారు...

hello.. hello...hello....

no చెప్పారు...

Namaste. mee "thaali" article sankshipthanga 7.12.14 sunday andhra jyoyhi booklo prachuristunnam.

no చెప్పారు...

Namaste. mee "thaali" article sankshipthanga 7.12.14 sunday andhra jyoyhi booklo prachuristunnam.

no చెప్పారు...

mee *taali blog nu dec 7, 2014 aadivaaram andhrajyothi sanchikalo sankshipthanga prachuristhunnamu. gamaninchagalaru

-editor, andhrajyothi

Naveen Kumar చెప్పారు...

me creativity baga undi kani, meru choopinchina variation valla emi theda undaka povachu,, kani ippati vallaku me vidhanam correctmo................. cheppalem............

Pavan kumar చెప్పారు...

Raayatam aapesaara.

Appudappudu raayachu kada ?

pavan చెప్పారు...

No new post yet :(

అజ్ఞాత చెప్పారు...

Its been so long you din't write anything...Hope you are fine.. Many people are thinking about you...

అజ్ఞాత చెప్పారు...

Its been so long you din't write anything...Hope you are fine.. Many people are thinking about you...

నేస్తం చెప్పారు...

అందరూ ఇంకా గుర్తుపెట్టుకున్నందుకు ధన్యవాదాలు..లేట్ రిప్లయ్ ఇస్తున్నందుకు బోలెడు సారీలు..ఇంతకుముందు ఉన్న తీరిక,ఓపిక,ఇంట్రెస్ట్ ఏవీ లేవండి..ఇంటి పనుల్లో,బాధ్యతల్లో బిజి అయిపోయాను..మరొక్కసారి అందరికీ ధన్యవాదాలు

pavan చెప్పారు...

ala ela marchipotham ?
enni panulunna mee abhimanula kosam raayatam start cheyyandi pls.

Anu చెప్పారు...

one post please its been very long....hope everything going good in your life